Trump na Kim Jong Un biteguye kuganira ku by’intwaro za kirimbuzi

Nubwo ibi bihugu bikunda kurebana ay’ingwe, Perezida Donald Trump aheruka kwemeza ko azagirana ibiganiro na Kim Jong Un muri Gicurasi uyu mwaka.

Byatangajwe ko kimwe mu byo bazaganiraho ari ihagarikwa ryo gucura intwaro kirimbuzi byanatumye Amerika ifatira ibihano bitandukanye Koreya ya Ruguru.

Ubwo Umujyanama wihariye mu by’Umutekano muri Koreya y’Epfo, Cheung Eui-Jong, yari amaze kugirana ibiganiro na Trump ku wa kane w’icyumweru gishize, yavuze ko Perezida Kim Jong Un afite ubushake bwo guhagarika gukora ibisasu kirimbuzi.

Yagize ati “Amerika yemeje ko Kim Jong Un afite ubushake bw’uko habaho ibiganiro ku buryo ki akarere Koreya zombi ziherereyemo kavanwamo intwaro za kirimbuzi.”

Intandaro y’urwangano hagati y’ibihugu byombi

Urwangano hagati ya Koreya ya Ruguru na Leta Zunze Ubumwe za Amerika rwatangiye ubwo Ingabo z’u Buyapani zatsindwaga urugamba mu Ntambara ya Kabiri y’Isi, ubwo Amerika n’inshuti zayo bigaruriraga agace gaherereyemo Koreya y’Epfo y’ubu.

Guhera ubwo u Burusiya n’ingabo zabwo bwagumanye ubutaka buriho Koreya ya Ruguru ubu.

Bivuye kuri izo ntambara, mu 1953 hafashwe umwanzuro wo guca umurongo ushyiraho akarere katarangwamo ibikorwa bya gisirikare hagati ya Koreya zombi.

Kuva ubwo, ngo ibi byasigiye ibikomere abaturage bahoze basangiye igihugu kimwe, ariko bakabuzwa kongera guhura, aho usanga hari imiryango yaciriweho umurongo, imwe ikajya muri Koreya ya Ruguru, indi ikisanga yasigaye muri Koreya y’Epfo.

Mu 1968, ubwo imirwano yari iririmbanyije hagati ya Amerika na Vietnam, Ingabo za Koreya ya Ruguru zataye muri yombi ubwato bw’Igisirikare cya Amerika, abasirikare 83 bari baburimo baje kurekurwa nyuma y’amezi 11 hamaze gupfamo umwe.

Bamwe mu ba perezida ba Amerika ntiborohewe no kubana na Koreya ya Ruguru

Mu bihe bitandukanye, buri perezida wa Amerika yagiye agira uburyo butandukanye n’ubw’undi yahanganyemo na Koreya ya Ruguru.

Nka George W Bush we ntiyatinye kwita Koreya ya Ruguru ‘Agace gatuwe n’amashitani’, mu gihe uwamusimbuye Barack Obama ntako atagize ngo yigaragaze nk’udashaka gukoma rutenderi, ariko bikavugwa ko ariwe mu perezida wafatiye ibihano bikomeye mu by’ubukungu iki gihugu.

Ubwo yari mu kiganiro n’abanyamakuru ari hamwe n’uwahoze ayobora Koreya y’Epfo, Park Geun-hye muri Mata 2014, Obama yavuze ko nta wundi muti uzatuma Koreya ya Ruguru ireka gucura intwaro za kirimbuzi, uretse kuyiha akato, ikisanga nta hepfo na ruguru ifite.

Igitangaje ariko kuri Politiki ya Donald Trump muri uku gushaka guhura na Kim Jong Un, ni uko mu mpera z’umwaka ushize wa 2017, yari aherutse gutangaza ko Koreya ya Ruguru idahagaritse gucura intwaro za kirimbuzi azayisukaho ikibatsi cy’umuriro uzayisigira ishav

Facebook Comments

Comments

comments

Leave a Reply

Your email address will not be published. Required fields are marked *